Chi Truck i dawai Phensedyl yoh kem ki pulit ka Umkiang

Ha ka 4 tarik uni u bnai heipor kamwa 2:30 i sngi hadien wa da em wa pyntip deiwa tikna cha ki pulit, neiliang ki pulit ka Umkiang Police Patrol Post da ksoh ki ya kawi ka Truck wa em ya u Number AS-01-DD-7142 ha Damcherra Kuliang kawa kit churia khyndaw-bilat.

Hawa kynreh chooh chooh ya kani ka Truck, da chem 200 synduk kiwi em mar 100 klong i dawai Phensedyl iwa da khang wow pynemkaam hapoh ka aiñ NDPS Act kiwa da ban da ki churia khyndaw-bilat.

Da kem ya uwa yah kani ka Truck uwa tip kam u Santosh Patel wei da pynman ya ka takit da ka Lumshnong Police Station.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Chooh chooh ha ka 5 tarik hadien wa phla uni uwa chah kem, da lai kem sa ya u Narendra Singh uwa krehlang wa oo deilang wa kawi ka Truck wa em Number NL-01-Q-4830.

Ka takit dang lai ko chakhmat yow chem neiwon mih kini ki mar kamjooh kiyi de kiwa emkti.