Jowai: Ka President wa thymme ka Kiang Nangbah Government College Students’ Union (KNGCSU) ka Jerina Lamare da ong wa yieñ ko wow yaleh ya ka kyrdan President toh neidaw wa ha ka thaw puræ em boon ki kynthai tangwa duna kiwa tia chakhmat, kamtæ kwah ko wow e mynsien ya ki kynthai wow wan ki cha khmat ha ka juk kawa katni.
I thrang yong ka wow kreh toh yow wai noh ya ka Girls’ Hostel ka College kawa da sah khlem wai da boon snem wei wow wanrah ya ka Online Payment yow suk kiwa lai puræ u su ya bai College.
Kwah ko leh wow pynsñiaw biang cha ka sorkar wa emkaam biang sa kawi ka College Building neibhah kamwa man kattæ da boon ware wa lai puræ wei da haap chah kyntait leh ya kiwa boon neidaw wa da khynñia ware ki kamra.
Da ong ko leh wa katwon wa yoo wyr’ai ko ya kiwa boon kiwa kwah u puræ dei sngi (Day Section) tangwa da haap lai ki dei step (Morning Section) neidaw wa khynnia dei sngi. Kamtæ da emkaam sa kawi ka College Building.
Da khut ko leh ya waroh ki khynnah wow yatylli lang ki yow ye u wanrah yei kylla hapoh ka College.
Discussion about this post