Chiboon i duna chem ka HITO ha yung krehkaam ka MTC ha Jowai

Ynne ka sngi ka HITO West Jaiñtia Hills District hapoh i yahkhmat u President, u A.G Sateiñ wa u Secretary, u Hame S Rymbai da lai yachem ki ya kiwa pait ya ka Meghalaya Transport Co-Operation (MTC) Jowai Depot heiyatoh wa i lyndet ka sorkar ya ka MTC kawa em ha Iawmusiang, Jowai.

Neiliang ka seiñ da dawa ko na ka sorkar wow pait ya i eh i khoo wa chem ki bru wa em ha kani ka thaaiñ khamtam ya kiwa dooh ya ki Bus kam na Jowai cha Saipung, Jowai cha Khanduli/Hamren wa cha kiwi ki thaw kiwa dang chaniah ha ki Bus MTC.

Ka seiñ da chem ko chiboon i duna ha kani ka yung krehkaam kiwa kynthup ya kini hawah:

1. Building

2. Parking Lot

3. Bus 

4. Kiwa kreh ADM, UDA wa kiwi.

5. Ka Fencing

6. Railway Counter

Related posts

Rs. 2 lak e yarap ka sorkar cha ka Sanfida Nongrum kawa man ka kynthai wa nyngkong na Meghalaya wa yoh u thap kool ha ka AFC Women’s Asian Cup

March 7, 2026

Daw synraan ka US Navy ya ki jhaad kit phniang ha Strait of Hormuz

March 7, 2026

7. Ya kani ka Office MTC (Jowai Depot) da pynlai du da ki LDA.

8. Ha kani ka Office ki kreh wa da dooh toh ka Post ADM wa ka UDA.

9. Ki Bus wa da dooh katni toh ka Jowai cha Khanduli/Hamren wa Jowai cha Saipung.

Hajrong ini ka seiñ da chem ko wa tlot u Montri ka Transport Department wei da dawa wow pait ya ini i duna wa chem chitom ki paidbah na Ri-loom Jaiñtia waroh kawi.

Kam wow pynknymoo wa kani ka yung krehkaam ka MTC toh kawa da iñ ha u Kmaichonglad (Dec), 2019 wei ym pu em yoh ko ya ka yung krehkaam wa da chna pura hadooh katni.

Puræ leh: Baam lut i diñ ya ka yung krehkaam ka MTC ha Jowai