Jowai: Ka Meghalaya Board of School Education (MBOSE) ynne ka sngi da pynbna ko ya ka result yong ka HSSLC (Science & Commerce) heiwa da sakhi wa ha ka Class XII (Science), napyrdi ki 10 ngut, kiwa wan chakhmat dooh, 9 ngut ki toh kiwa puræ ka St Anthony’s Higher Secondary School, Shillong katwa ya kyrdan wa 10 da yoh da uwa puræ Laban Bengali Boys Higher Secondary School, Shillong.
Ha ka Commerce won ya ka kyrdan wa nyngkong na ki 10 ngut da yoh ka Kavita Joshi na Seven Set Annexe Higher Secondary School, Shillong, wei na kini leh da em 7 ngut kiwa na ka St. Anthony’s Higher Secondary School.
Kiwa yakhun ya ka HSSLC (Science) waroh em ki 3662 ngut, wa kynthup 1364 ngut ki kynthai wa 1447 ngut ki chynrang katwa ha ka HSSLC (Commerce) won da em 1576 ngut kiwa yakhun wa kynthup 929 ngut ki chynrang wa 647 ngut ki kynthai.
Ha ka Science Stream kiwa pass man ki 76.76% katwa ha ka Commerce man ko 71.87 %.
Na ki 67 tylli ki thaw puræ hapoh ka jylla da em du le tylli wa ye u yoh 100% kiwa ye u lait ya ka HSSLC (Science) kiwa puræ wa kynthup ya ka Anderson Higher Secondary School, Upper New Nongstoin heiwa waroh 26 ngut kiwa yaleh ya kani ka exam da lait ki, ka Government Girls’ Higher Secondary School Jowai da lait 11 ngut wa ka Risa Higher Secondary School, Shillong won 14 ngut.
Na Government Boys’ Higher Secondary School won u Steward Pastieh Pakma da yoh Highest Marks u ha ka Mathematics deiwa yoh u 98 marks.
Discussion about this post