Jowai: Ka kur Sansyngkong ynne ka sngi Bibar 30 tarik u Naiynru 2019 da khut pynman ko yei kreh yonglang ha Tpep ka Kur wa em ha Loomkyndong, Dulong heiwa ki khon ka kur najan najngai dawan ki wow ya embyntalang.
Ha kani ka sngi hadien wa dadep i pynkhooid pynjngiar yei bynta ka Tpep waroh kawi da em won i thung ya ki dieñ da ki khon ka kur kawa man chibynta i leh burom yaka World Environment Day.
Chooh chooh ha kani ka jooh ka sngi, ka kur dapoi luti ko leh wow wai yei yung wa em ha Dulong iwa da chna kyrpang neibynta wow suk ki khon ka kur kiwa em cha palat Raij kiwa wan wow pyndep yei niam booh chyien.
Ha ka yalang wow wai yeini i yung wa pynlai u Sniawhi Pde da yoh yei klam na u Lakhon Shilla, Chairman Kur Sansyngkong heiwa da ong u kattu neini chakhmat ki khon ka kur da lait ki nei kyndiep ha madan madiah man dawan ki wow rong u rah yei yong ka chyien ka chrooh na ryngkaw para neitæ won da pynkut dei kyntien sñiawngooh na u General Secretary Kur Sansyngkong u Nelsonroy Pde.
Discussion about this post