Boon ki paidbah da ood ki haka sngi 2 tarik wa man yaw ha Jalyiah Lad Rymbai Bypass, East Jaiñtia Hills District neidaw wa kiwa dai da chim kabu ki wow dai syad dor yaki mar baam khamtam ya u khoo ha katu ka sngi.
Yeini da chem hadien wa boon ki paidbah da ood ki wa kiwa dai khoo da dai palat dor ki ya u khoo. Katkam wa pyntip u Harvis Phawa, u waheh chnong warim ka Jalyiah uwa man katni kam u Chairman chnong, da ong u wa da pyrchang u wow kylli bniah wei da chem u wa uwi u baar jylla uwa da booh hei dur ha wah, hawa pyrchang wow kylli yeidor u khoo Sunrise wa 25 kilo da dai u oo hei dor T. 1000 uwa jooh dai T. 725 ka churia 25 kilo, lada khieñ ha ka churia wa 50 kilo da dai tam u T. 550.
U Harvis Phawa da pyntip u leh wa kam u Chairman chnong da embynta lang u ha katai ka sngi wow pait ya kiwa dai wa thied. Natlor u khoo dang leh boon ki mar ki mata wa dai palat dor kiwa dai.
Da pyntip u leh hawa pyrchang wow kylli neiyei i daw wa dai palat dor ya khoo, i jubab wa yoh na uni u baar jylla toh wa duna u khoo. Lada khieñ yei dor uni u khoo ha ka chi kilo wa jooh dai T. 29 lane T. 30, ha kani ka sngi da dai ya oo T. 40 chi kilo.
Katwa kamtæ da kyntu joor u yaki bor yong ka aiñ wa toh u pait wa emkaam wow chimkhia ki khnang wa ki paidbah wa dooh wa duk u lait ki u chah yooh beiñ khamtam ha kam kini ki por wa chem chitom.
Discussion about this post