Chim kabu kiwa em kari wa kiwa em kreh wow sah ha ka Shelter Home

Ka KSU Laban Circle ha ka 3 tarik uni u bnai da lai e dorkhat ko ha u Chief Executive Officer ka Shillong Municipal Board hadien i khyndang ka seiñ yaka Shelter Home wa em ha Kenches Trace, Shillong deiwa lai boodien yeiwa mih pyrthai iwi i Video wa da yoh u riñ ya ki kynthai wa chynrang kiwa ya Inject Drugs ha kani ka thaw wei da man ko leh kam ka thaw ya dai ya thied drugs wei wow leh ya kiwi ki kaam ka jakhlia.

Ka seiñ ha ka dorkhat yong ka da pynsñiaw ko wa toh i kaamram ka Shillong Municipal Board kam kawa pait wow lai sylli neipor cheipor ya kani ka thaw kawa da kylla kam ka thaw wow ya muaid, dih drugs hadooh wow kylla kam ka thaw wow ya dai ya thied bru leh.

Neiliang ka seiñ da dawa ko wa toh u booh ya ki bru wa yang wa kiwa sonteri namo ki Security Guard ha kani ka thaw deilang wa ki bru wa pait wa sumaar yow lait i psiah i mih laitlan, yow lait kani ka thaw wa booh yow pait ya kiwa emkaam yarap yow kylla pathan cha ka yung neibynta ki kaam wa sih.

Ka seiñ da ban joor ko leh wa em ki kattu katni ki bru wa sah ha kani ka Shelter Home kawa toh u man neibynta ki bru wym em ki yung ki sem wei ki wym em bor ha ka kamai kajih, tangwa da wan sah pathan da ki bru kiwa em kari, kiwa biang khih biang khan, kiwa em kreh deiwa chim kabu yow yoh yei baam wei dih wa mynkna.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ da ong wa ini da pyndooh thaw sah i ya kitu kiwa emkaam hok wow yoh u sah ha kam kini ki Shelter Home. Ka seiñ da dawa ko wa ya kam kini ki bru toh u beh noh ki chisiendon wei wow pynbiang ki kyndon wa kam kini ki jaitbru ym yoh ki wow psiah chapoh kani ka Shelter Home wei ymtoh wow yoh sah waroh chi rta tangwa toh wow booh dei por wow mih na kani ka thaw kam heipor wa da biang i khih i khan ki.

Ka seiñ da pynsñiaw ko leh wa ka Dorbar Shnong K.O.R ym em e bor ko wow chna ya kani ka Shelter Home wei kani da mih ko heipor wa em ka khlam COVID-19 kam ka Temporary Shelter Centre tangwa katni da kylla ko da kamwi dei wym ye ki bor wa pynlai wow kdoh u khoom ya ki bru wa wan sah ha kani ka thaw iwa da booh hei maa ya kiwa chong chnong ka thaaiñ K.O.R wa Laban leh kamjooh.

Kam wow pynkynmoo wa haka 28-12-23 ka KSU Laban Circle deiwa synraan ki pulit ka Laban PS da lai kynreh ki ya kani ka Shelter Home heiwa da chem ya ki thyrnia wa ki tadong drugs.

Puræ leh: Kylla thaw dai wei dih drugs kawi ka Shelter Home