Chim smai ka Rekha Gupta kam ka Montri Rangbah wa thymme ka Delhi

Ka Rekha Gupta ynne ka sngi da chim smai ko kam ka Montri Rangbah wa 9 yong ka Delhi chirup wa 6 ngut ki Montri ko ha ka yalang wa man ha Ramlila Maidan. Da man ko leh ka kynthai wa soo wa ksoh ya kani ka chuki.

U Lieutenant Governor ka Delhi, u Vinai Kumar Saxena da pynbaam smai u ya ka Rekha Gupta deilang ki Montri ko.

Kini ki Montri kynthup ki ya u Parvesh Sahib Singh, u Ashish Sood, u Manjinder Singh Sirsa, u Ravinder Indraj Singh, u Kapil Mishra wa u Pankaj Kumar Singh.

Ka Rekha toh kawa dang man MLA hei sien nyngkong kawa jop na Shalimar Bagh wei da em ko 50 snem i rta.

Related posts

Yoh pynlait ka KSU Delhi Unit sa kawi ka kynthai na East Jaiñtia Hills kawa da em hei maa

May 14, 2025

Lai pait u Conrad ya ka paikhana skur wa chna da ki Plastic wa da noh

May 14, 2025

Da dep jop ko leh la le sien ya ka Election Municipal Councillor wei i jied ya ka da pynphylla ko ya kiwa boon heiwa kiwa boon da antaad ki wa u Pravesh Sahib Singh uwa pynrem ya u heh ka AAP, u Arvind Kejriwal, u Vijender Gupta uwa da man kam u MLA la le sien uwa yahkhmat ka liang pyrchah wa u Satish Upadhyay toh kiwa em hakhmat wow yoh ya ka chuki Montri Rangbah.

Ha kani ka yalang da emlang ki heh ka Bharatiya Janata Party wa kynthup ya u Montri Rangbahdooh ka ri, u Narendra Modi, u Montri ki kaam pohyung ka ri u Amit Shah, u Montri ki kaam yada ri, u Rajnath Singh wa kiwi de.

Neiliang u Montri Rangbah ka Meghalaya, u Conrad Sangma leh da emlang u wow sakhi ya kani ka sngi.