Chim smai ki Judicial Officer wa thymme ka Meghalaya

U Justice Sanjib Banerjee uwa man kam u Chief Justice ka High Court ka Meghalaya da pynsmai u ya ki 6 ngut kiwa dang thung thymme kam ki Grade III Judicial Officer deiwa sakhi lang kiwi ki Judge ka High Court wa kynthup ya u Justice HS Thangkhiew, u Justice W. Diengdoh wa u Justice B. Bhattacharjee.

Ya ini i pynsmai da pynman ha Conference Hall ka High Court ynnin ka sngi.

Kini ki Grade III Judicial Officer toh kiwa da pyndep ya ka Induction Training Programme kawa chi snem wei i pyrtuid wei i kreh iwa da thung ya ki man ki kamni ha wah:

Ka Larinia Jana da thung ya ka kam ka Judicial Magistrate First Class ka East Khasi Hills District, Shillong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Banmankhraw Lyngdoh da thung ya ka kam u Judicial Magistrate First Class ka West Khasi Hills District, Nongstoin wei daw ksoh u leh kam u Judicial Magistrate First Class ka South West Khasi Hills District, Mairang.

U Ian Russel Manshuwa Doonai Ranee da thung ya oo kam u Judicial Magistrate First Class ha Dadenggre Sub-Division wa kynthup ya ka Phulbari Circuit Court, West Garo Hills District, Tura.

U Michael Gare Momin da thung kam u Judicial Magistrate First Class ka South West Garo Hills District, Ampati.

U Temberson Raksam Marak da thung kam u Judicial Magistrate First Class, South Garo Hills District, Baghmara.

U Abner Ingty Watre da thung ya oo kam u Judicial Magistrate First Class, North Garo Hills District, Resubelpara.

Kini ki Judicial Officer u chimkti ki ya jar jiar i kaam nadooh ka 13 tarik uni u bnai.