U Lat ka Meghalaya, u Satya Pal Malik ynne ka sngi da pynsmai u ya u Bhalang Dhar, Retd, IAS kam u Chairperson wa pura ka Lokayukta, Meghalaya ha ka yalang wa pynman ha Raj Bhavan.
Ka Lokayukta ha Meghalaya da neh ko khlem u Chairperson hadooh wa ini i kaam da poi i cha ka High Court ka Meghalaya da phah jubab ko ya ka sorkar jylla mynnu wow thung ko ya ki dkhot ka pura ka Lokayukta.
Neiliang ka sorkar jylla leh da pynkylla ko ya ka aiñ Meghalaya Lokayukta Act 2014 yow e bor wow thung du uwi donhi u dkhot lane boon ngut deiwa pyrkhat yei heh ka jylla kamjooh yei lutphut deiwa rai katwon ngut u em ki dkhot ka Lokayukta.
Kamtæ ka sorkar da thung ko du ya u Chairperson donhi deiwa ong wa lada emkaam daw thung ya kiwi ki dkhot yow pait ya ki kaam baam-tooh.
