Ynne ka sngi da pynman ya ka SHG Mela cum Financial Literacy Camp lyngba ka Azadi Amrit Mahotsav ha Amlarem C&RD Block, West Jaiñtia Hills hei emlang u Dr. D. Lyngdoh, Block Development Officer, Amlarem C&RD Block, ka Y. R. Mawlong (MCS), Sub Divisional Officer, Amlarem Civil Sub Division kam ka kongsan, u J. Massar (Branch Manager) State Bank of India, u I. Phawa (Assistant Research Officer), Planning Branch wa kiwi kiwi.
Ha kani ka sngi neiliang u Dr. D. Lyngdoh, Block Development Officer, Amlarem C&RD Block da e u ya ki kyntien pdiang burom.
U Branch Manager ka State Bank of India, Amlarem da e klam u hajrong ka Financial Literacy namo ki kaam poisa poilaiñ wa i myntoi wa yoh ki SHG manda wai ya ki Bank Account deiwa pynchlur leh ya ki SHG wow chim ya ka ram (Credit Linkage) khnang wow pynku ya i yoh i laa ki dkhot yong ki.
U Assistant Research Officer da batai u hajrong ka North East Festival 2022 ya kawa da pynman ha kylleiñ ki District ka jylla heiwa da pynman ya ki Marathon, Quiz Competition wa ki SHG Mela cum Financial Literacy Camp.
Ka Y.R. Mawlong (MCS), SDO, Amlarem Civil Sub Division da batai ko ya i myntoi u em ki Self Help Group (SHG) wow pynku ya ka imlang sahlang ka jylla deiwa kyntu ya ki SHG wow chim kabu ya ki Scheme wa ki e sikai da ki chnat sorkar.
Waroh ki SHG wa chimbynta ha kani kani ka sngi em ki 350 tylli napoh Amlarem C&RD Block heiwa da em leh phra tylli ki dukan namo ki Stall.
Lyngba kani ka Mela da em 165 ngut kiwa pynpsiah pyrtuid ha ka PMSBY, 30 ngut ha ka PMJJBY, 7 ngut ha ka APY. Da e leh 10 tylli ki ram wa kynjoh T. 6,80,000 wei da wai leh hadooh 43 tylli ki SHG Bank Account.
