Kam chibynta wow lehkmen ya ka Gandhi Jayanti, ki bor District ka West Jaiñtia Hills deiwa ya krehlang waka Jowai Municipal Board, ka Dorbar Chnong Tympang Iawmusiang, ka Jowai Traders Association, ka Market Committee ka CNI Market, ka Jowai Presbyterian Yaaw Chyiap waka Seinraij Jowai da pynman ki yei pynkhooid ya ka Iawmusiang wa kiwi ki bynta wa pynman yaaw ha Jowai kam chibynta ka Swachhata Hi Seva.
Da wan wow chimbynta leh da kiwa chong chnong ka Iawmusiang, Moosalyngkat kiwa chongdai, kiwa chong dukan ha ini i pynkhooid ya ki yaaw ka CNI, Seinraij Jowai, ka Balang Jowai Presbyterian wa ki thaw wa em chajan.
Ya yalang wa da pynman chwa wow pynkhooid da pynlai da ka Additional Deputy Commissioner, ka Dahunlang V Lyngdoh.
Neiliang ka Jowai Traders Association (JTA) da pynkup burom ki ya kiwa kreh sorkar kam u SDO ka MeECL, u E. Pohshna, u Traffic In-charge ka Jowai, u Rocky M Umlong, u Executive Officer ka Jowai Municipal, u S. Amse yei kreh chitom ki neibynta ka imlang sahlang.
Da saam leh ya ki Certificate cha kiwa chimbynta ha ka tayaaw wa pynman yaka Swachhathi Hi Seva kawa da sdang nadooh ka 15 tarik u Naikhynde wei da pynkut ynne kawa da pynman da ka Jowai Municipal Board.
Discussion about this post