Ka India Foundation chirup waka Ministry of External Affairs yong ka sorkar India deilang waka ASEAN Foundation da pynman ko ya ka 4th ASEAN-India Youth Summit hajrong ka phang “Strengthening ASEAN-India Partnership in the Indo-Pacific” ha nongbah Hyderabad, Telangana, nadooh ka 12 hadooh ka 15 tarik uni u bnai.
Kawi na ki khyllood na Ri-loom Jaiñtia ka Darilin Tang na chnong Iooksi kawa man leh ka dkhot ka Central Working Committee ka ABVP na Meghalaya da chimbynta ko ha ka International Summit heiwa da yoh ko leh u pynsñiaw hajrong i yatoh ka ri India wa ki ri wa em hapoh ka lama ASEAN.
Kani ka rynsan wanrah ko ya ki khynroo khyllood ka ri wa kiwa na ki ri kiwa em hapoh ka ASEAN.
Ha u 2022 man ko ka snem wa 30 wa yalok ka India wa kini ki ri ka ASEAN wei ha kini ki snem da em i yajan bha ka India wa ki nadooh i khayi pateiñ wa i chongsuk chongsaiñ.
Kani ka ASEAN-India Youth Summit da sakhi yei wan ki khynroo khyllood ki ri ka ASEAN wa kynthup ya ka Brunei, Cambodia, Indonesia, Laos PDR, Malaysia, Myanmar, Philippines, Singapore, Thailand wa ka Vietnam.
