Jowai: Ka Akhil Bharatiya Vidyarthi Parishad (ABVP), kawa man kawi na ki seiñ ki khynnah puræ wa heh dooh ha pyrthai da yaleh ko wow pynboon chooh chooh ya ki dkhot yong ka ha waroh kawi ka ri India.
Ha u snem wa dadep ka seiñ da chim ko ya kawi ka rai wow pynheh pynyaar ya ki dkhot deiwa pynman ko ya kawi ka Campaign kawa tip kam ka “Selfie With Campus Campaign” ya kawa da pynman nyngkong ha u snem 2018 heiwa ha waroh ka ri da wan chimbynta da ki khynnah na ki 60,000 tylli ki thaw puræ.
Ha uni u snem da pynman biang ya ka “Selfie with Campus” heiwa da booh thong wa ha waroh ka ri India u kynjoh hadooh 1 lak tylli ki Campus hapyrdi ka 1 hadooh ka 10 Naisaphra 2019 wei na ini daw pyrchang ko u chna ya ki Unit hapoh ki Campus.
Ka seiñ da ong ko leh wa deiwa em ka seiñ ha ki thaw puræ daw yarap ko ya ki khynnah heiwa daw pynman ko ya ki yakob wa boonjait kam ka yañia hajrong kawi ka phang (debate) wa kiwi kiwi (Seminar, Awareness Program).
Kam chibynta yong kani ka Campaign da chimbynta leh da ki khynnah ki thaw puræ waphær waphær ka ri-loom Jaiñtia kam ka Thomas Jones Synod College, ka Kiang Nangbah Govenment College, wa kiwi kiwi.
Discussion about this post