Ka yung krehkaam yong ka District Mission Coordinator, SSA-SEMAM, West Jaiñtia Hills hadien i wan yooh kjat ki bru ka 93.5 Red FM Shillong ynne ka sngi, da pynman biang ki ya kawi ka yalang heiyatoh wa ka Jan Bhagidari Events and Activities kiwa kynthup ya ka Bicycle Rally, ka Story Telling waka Exhibition on Teaching Learning Material.
Ya ka Bicycle Rally da sdang na Kiang Nangbah Govt. College wei da pynkut won ha madan Chilliangraij, Jowai wei ha kani ka yalang da wan ya chimbynta da ki khynnah skur deilang ki dkhot ka West Jaiñtia Hills District Bicycle Association.
Ka M. Lakiang, DMC-SSA, West Jaiñtia Hills hajrong ka thong yong ka Jan Bhagidari Events and Activities chwa wow sdang i lai paidbah da ki Bicycle da yahkhmat ko hei puræ ya ka NIPUN Bharat Pledge.
Chooh chooh ha kani ka sngi da em leh ka Story Telling namo ka khana parom ya ki diah khian wa puræ ha ki Pre-Primary wei ya kani ka bynta da pyndep da ka Sam-i-naki Passah katwa ha ka Exhibition on Teaching Learning Material won da chimbynta da ka H.K. Singh Memorial School, Jowai, St. Michael English School, Loompyrdi Iongpiah UPS SSA, Jowai RMSA School, Khimusniang Upper Primary School, Chutwakhu UPS SSA, Kurimai Memorial UPS SSA, Police Public School wei da em leh i chna tiar (Model) wa da wanrah da ki skur yow pynchong yurim heiyatoh waka bei rym-aw katkam wa da kdaw hapoh ka G-20 Agenda.
Ya kani ka yalang da wan wow sakhilang leh da u S. Blah, Sr. Lecturer DIET, Thadlaskein kam u kongsan chirup ka A.P. Syiem, DSEO-West Jaiñtia Hills, ki Jt. DMC-SSA West Jaiñtia Hills wa ki Block Mission Coordinator, SSA wa kynthup ya ka Amlarem, Laskein wa Thadlaskein Block.
Khaddooh da pynkut ya kani ka yalang dei e kti ya ki Prize cha ki skur wa jop ha ka Exhibition On Teaching Learning Material kiwa kynthup ya ka H.K. Singh Memorial School, Jowai, St. Michael English School waka Loompyrdi Iongpiah UPS SSA.
