U President ka Jaiñtia Hills Lower Primary School Teachers Association uwa man leh u Vice President ka All Meghalaya Primary School Teachers Association (AMPSTA), u Lukas Jat da pyntip u wa ka seiñ da lai chimbynta ko haka yakhih (Dharna) deilang wa 101 ngut kiwa sikai skur Primary kiwa em hapoh ka lama yong ka AMPSTA deiwa ya krehlang ki chirrup waka All India Primary Teachers Federation (AIPTF).
Kani ka Dharna da pynman ha Jantar Mantar ha New Delhi wei da sdang yaka nadooh ka 21 tarik uni u bnai hadooh ka 27 tarik uni hi u bnai.
Ki phang dawa kani ka yakhih toh yow pynim biang yei rukom e Pension da ka warim (Old Pension Scheme), u pynkrehkaam yaka 7th Pay Commission neibyta kiwa sikai skur Primary waroh nadooh u snem 2016, waroh kiwa sikai dei thung Contractual kam ki Shiksha Mitra/Gana Shikshak/Niyojit Shishak wa kiwi kiwi toh u pynskem noh ya ki chwa ka 31-03-21 wa u pynsamanlang ya i rukom e tulop kam ya kiwi tawan kiwa sikai Primary wei wow thung noh da kiwa sikai wa pura (Permanent) hadien habood.
Da dawa leh wow embynta ki seiñ kiwa sikai wow ya pynbait yaka National Education Policy 2019 yow pyndam noh ya ki phang wa pyrchah kiwa sikai.
Heiyatoh waka Teachers Eligibility Test toh u pynman ka ha waroh ka ri India ha chwa ka Professional Training.
Ka AIPTF da maham ko leh yaka sorkar bei wei yaka sorkar jylla wa lada ym mano ko yeini i eh, daw pynjoor chooh chooh yaka yakhih.
Discussion about this post