U Montri Rangbah ka Meghalaya u Conrad K. Sangma, ynne ka sngi da chimbynta lang u ha i lehkmen lyngkhooh dap 20 snem wa sdang (Foundation Da) yaka North Eastern Space Application Centre (NESAC) lyngba ka Video Conference na i kamra krehkaam yong oo ha Shillong.
Da e khublei u yaka NESAC yeiwa da e ko cha ka thaaiñ Northeast yow pynku yaka lyngba ka Space Technology waka IT.
Da klam u leh yaka thong u Prime Minister Narendra Modi wow pynman yaka India kawa phooh wa phieñ deiwa pynemkaam yaka stat Technology wa kiwi ki kaam wa yatoh waka. Da ong u wa ha kam kini ki por wa em ka khlaam COVID, waroh ki bru hapoh pyrthai da pynemkaam ki yaka IT hei wow pynman yalang, u lum yaka yutip kiwa da yarap leh ya ka synchaar paidbah.
Ka North Eastern Space Applications Centre (NESAC) toh kawa da seiñlang ka Department of Space (DOS) waka North Eastern Council (NEC) wei da mih ko haka 5 tarik u Naikhynde 2000.
