Ka Meghalaya State Legal Services Authority deiwa ya krehlang waka District Legal Services Authority, Shillong, ka Meghalaya State Commission for Women, Social Welfare Department waka Manbha Foundation da pynman ki ya ka yalang pynsñiawthooh paidbah hajrong ka aiñ heiyatoh wa i chah thombor ki kynthai ha yung ha sem kawa tip kam ka Legal Awareness & Outreach Programme on Protection of Women from Domestic Violence Act, 2005 kawa man leh kam chibynta ka “Pan India Awareness & Outreach Programme” wow lehkmen yei dap 75 snem i yoh laitlooid ka ri iwa da e pyrtuid Azadi Ka Amrit Mahotsav.
Ya kani ka yalang da pynman ha ka 22 tarik uni u bnai ha Shillong Law College heiwa u Justice H.S. Thangkhiew, Judge, High Court ka Meghalaya da man u kam u kongsan.
Ki bru wa chemphang ha ka aiñ kiwa da klam hawa yatoh waka aiñ Protection of Women from Domestic Violence Act, 2005 wa kiwi de ki kaam wa yatoh wa ki kynthai toh u N.A. Khan, MHJS, District & Sessions Judge, East Khasi Hills; ka Daphira Sohtun, MJS, Secretary, DLSA, Shillong; ka Annie Sohtun, Coordinator, Meghalaya State Commission for Women; ka Daisily Thangkhiew waka Moni Borgohain, Legal Aid Counsels, East Khasi Hills District.
Da emlang leh u K.J. Lyngdoh, Joint Registrar (Listing)-cum-OSD yong u Chief Justice, High Court of Meghalaya; u T.T.M. Sangma, MJS, OSD, MSLSA; Principal, Shillong Law College wa kiwa lai puræ ha ka Shillong Law College waka Martin Luther Christian University, Shillong.
Ha kani ka sngi da yaklam leh hajrong i e yarap mynkna heiyatoh waka aiñ namo ka Free Legal Aid, da yaklam leh hajrong ka Article 21, Article 39A, Domestic Violence, i kaamram ki bru wa em ha ka aiñ, ki hukum wow yada, i e yarap poisa wa kiwi de hapoh ka aiñ Protection of Women from Domestic Violence Act, 2005.
Hadien ini u kongsan da yaklam wei jubab u wa ya kiwa da wan wow chimbynta.
