Ka sngi wa kyrpang yong ki bru wa em i duna hei doh i pran namo ka International Day of Persons with Disabilities 2021 da lehkmen ya ka ynne ka sngi ha Durbar Hall, Raj Bhavan, Shillong. Ya kani ka yalang da pynman lang da ka Meghalaya Parents Association for Disabled waka Raj Bhavan, Shillong heiwa u Lat ka jylla, u Satya Pal Malik da chimbynta lang u kam u kongsan.
Hawa e yei klam, u Lat da ong u wa neidaw wa em ka khlam COVID-19 da e laad ko leh wow sָñiawthooh yei chitom ki bru wa em i duna hei doh i pran hapoh ka India. Da khana u wa ka ri India da man ko kawi na ki ri wa nyngkong dooh wow soi yei rai ka United Nation Convention for Rights of Persons with Disabilities (UNCRPD) kawa da jied ya 21 tylli ki jait kjut yow chna aiñ hapoh ka ri wa hapoh ki jylla.
U Lat da ong u leh wa ha India ym ye wow pynbood yei rukom leh ki ri wa em cha sepsngi; ha India iwa yahaap toh deiwa pait ya ka manyung neibhah ki dkhot ka yung toh kiwa sumaar sukhær ya kiwa tymbuiñ. Chooh chooh da ong u wa emkaam wow pynkylla yei rukom pyrkhat yongrim neibhah katni da man ka ri wa laitlooid wei em yei hok wow thooh ki laad ki luti wow yarap ya kitu kiwa em i duna hei doh i pran.
Ha kani ka sngi da saam leh ya ki Certificate of Appreciation cha ka Banrihunlang Myrthong ha ki kaam puræ puthi, ka Silme D Marak ha ki kaam wa yatoh wa i pynsñiawthooh paidbah, ka Showtheway Pakma ha ki kaam seiñ khih, u Banlamphrang Wankhar ha ki kaam waka dustur riti waka Dorita Wann ha ki kaam wa yatoh wa i chait i khiah.
U Lat da saam u leh ya ki e sñiawbha cha ki khynnah wa em i duna hei chait i khiah ha pchem ka Raj Bhavan.
Ya kam kani ka jooh ka yalang da pynman da ka yungkrehkaam ka District Social Welfare Officer, East Khasi Hills District deiwa ya krehkang waka Meghalaya State Legal Services Authority, District Legal Services Authority, District Medical & Health Officer, East Khasi Hills District waka Child Development Project Office, Mawkynrew ha chnong Jongksha, Mawkynrew C&RD Block.
Ka J. Shabong, Chairperson, Child Welfare Committee, East Khasi Hills District da embynta ko kam ka kongsan deiwa emlang ka D. Sohtun, Secretary, District Legal Services Authority, ka N. Umdor, District Social Welfare Officer, East Khasi Hills District wa kiwi de.
Ha kani ka yalang da pynman ya ki yalehke wa ki e sñiawbha cha kiwa em i duna hei doh i pran wa da ya wan wow chimbynta lang.
