Jowai : Ka All Jaiñtia People Movement (CB) hadein wa ujor ki paidbah khamtam kiwa pynemkaam yow surok na Pammura chadooh Sohkhymphor, da ood ki wada sih u surok hadooh kattæ kattæ heiwa da thut i lai i wan ki paidbah weiwa neiliang ka seiñ da kular ko wow chimkhia yeini.
Ini i sih u surok toh neidaw wa lai ki truck kit mar na Pammura cha Sohkhymphor khlem pait yaka aiñ kawa da thoh “No Entry For Heavy Vehicle” neibhah wa du neidaw wa lai ki truck da sih uni u surok du hapoh chisnem.
“Kawa sniawsih tohwa da jan i samoi lyiur wei lada joor u slap ini i bynta u surok daw ktah joor bha i yei lai i wan ki paidbah” da ong u Vice President ka AJPM (CB) u ma Rijen Dkhar.
Neiliang ka seiñ da kyntu ko ya ka tnat PWD wa ka sorkar khamtam ki bor District yow chimkhia yeini waroh.
Discussion about this post