Ynne ka sngi ka EJNC-Khliehriat Circle hapoh i yahkhmat u General Secretary ka seiñ, u Mebanteilang Sukhlain ryngkat i synraan lang u Vice President ka Central Executive Council u Ency Shadap da lai chna pynmiat ki ya u sarok Khliehriat Main Road wa man leh kam u budloom ka thaaiñ mihsngi.
Ha kani ka sngi ki dhkot ka EJNC hawa yoo wa da dap sa du ki thlu hapyrdi u sarokbah ka chnong Khliehriat nei wan dat u slap uwa da ktah bha ya uni surok, kamtæ da i mynsien sñiawkhia neibynta ka chnong ka thaw kamjooh leh yow lait nei thut hei lai i wan ki paidbah, da lai chna noh ki ya uni u sarok katwa chah i bor ki.
Neiliang ka seiñ da kyntu ko leh ya ka NHAI wow chna pynmiat noh ko ya uni u sarokbah wei wow chna ko leh ya ki dooid yow lait i chong um khamtam haki por slap neibhah u sarok hi toh u thiedsnaam yong i lai i wan nadooh ki khynnah skur hadooh ki wakreh khamtam ya kitu kiwa em hei kjut i chitom.
Kamjooh leh ka seiñ da kyntu ko ya kiwa mihkhmat yong ka thaaiñ wa toh u kyruiñ noh ki cha kam kini ki eh wa chem ki paidbah.
