Chimkhia ka MPUF-EJH wow yachem ya ki heh ka MePDCL hei yatoh wa ka bordiñ ha Upper Umkiang

Khliehriat: Ka seiñ Meghalaya People United Front (MPUF-EJH) ynne ka sngi da lai yachem ko ya u Assistant Executive Engineer ka Khliehriat MePDCL u S. Rymbai hadien wa yoh ujor ki na ki paidbah ka thaiñ hei yatoh wa i sih u transformer la kamwa ar bnai kattu uwa em ha chnong Upper Umkiang, East Jaiñtia Hills.

Hawa yaklam wa ka seiñ uni u sahep da ong u wa neiliang yong ka MeECl Mowakhu da dep phah ko ya ka dorkhat cha ki heh ka tnat wa em ha Shillong hei yatoh wa ini wei kyrmen u wa daw pynsmat ki u leh yeiwa emkaam.

Katkam i ong u Rymbai ka bai bordiñ yong katai ka chnong da poi ko duna T. 10 lak wei da ong u wa waroh ki yung kiwa haap ha katai ka dong wa sih u transformer ki paidbah ym em u su ki ya ka bai bordiñ ki hadooh katni boi ye u man na ini i daw wa pynslem ki bor hajrong u pynslem u phah Transformer.

Neiliang ka seiñ da kyrpaad ko ya ka tnat wa ymtoh u pynchitom ya ki paidbah manda dier i por wei da kylli ko leh wa neiyi i daw wa ka MePDCL Khliehriat ym pynchitom ko ya ki bru ki wym su ya ka bai bordiñ ha ki por wa biang.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da kyrpaad biang ko ya u S. Rymbai wa ya u CEO (Chief Executive Officer) ka Jowai Division MeECL wow yaleh ki katwa ye wow pynsuk ya ki paidbah.