Chimkhia ka NEEPCO wow pynbiang ya ki mat dawa ka KSU

Jowai : Ynnin ka sngi 8 tarik ki heh ka NEEPCO hapoh i yahkhmat u Senior Manager (HR) ka Kupli Hydro Electric Project (KHEP) u R. Changakoti, ki Engineer wa kiwi kiwi da lai ekti ki yaka chithi heiyatoh wow ekti noh ya ka Madan Ball cha ka chnong kawa em ha Dong Mooblang, Iooksi.

Heini da em ki dkhot ka chnong Iooksi, U Waheh Chnong u ma C . Tangliang, u Secretary Chnong u ma H. Pachiang ki dkhot ka KSU Iooksi Unit wa kiwi kiwi.

Ya kani ka madan da chna da ka NEEPCO neibynta ka Phase 1 hei lut wa palat T. 4,96,058. Ini kynthup i yei chna pynheh ya ka madan, wow chna ya ki dooid soodong ka madan, u chna ya ki thaw chong  wa kiwi kiwi.

Ha kani ka sngi, neilang ki heh ka NEEPCO hapoh i yahkhmat u Engineer u K.C. Kolita, da thaw ki ya ka madan neibynta wow sdang biang ya ka Phase 2 itæ wow kynroh da ki moo ya ka madan, wow chna pynmiat dei khyndaw Bilat ya ki thaw chong paidbah (gallery) ki dooid, wa kiwi kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heijooh i por ki heh ka NEEPCO da lai pait ki ya ki skur, ki umbaam umdih wei da kular ki leh wow e ya ki yung skur building, ki paikhana, ki umbaam umdih ya ka chnong Iooksi waroh kawi.

Neiiang ki heh ka NEEPCO da kular ki ya ki wa daw sdang noh i kreh haka Phase 2 pyn ha kini ki bnai wow wan.

Kamtæ ka seiñ KSU e khublei kyrpang ko ya ka NEEPCO wa da chimkhia wow pynbiang ya ki mat dawa ka seiñ.