Jowai: Hadien wa mih ka khubor wa em ki dkhot warim ka seiñ kieñ suloi ka GNLA kiwa da pyndem wait kiwa thmu wow uiñ biang cha ka kaam kieñ suloi, neiliang u Conrad Sangma da ong u wa ym em yutip wa bniah u hajrong ini, tangwa da yoo u yeini du ha ki laad pathai khubor, tangwa da chimkhia won ya kani ka khubor.
Da ong u wa i yarap neibynta ki bru kieñ suloi kiwa da pyndem suloi dang rap chimpor i neibhah wa haap wow bichaar bniah bha wot da ka Ministry of Home Affairs wa kiwi ki tnat, tangwa da ong u wa ka sorkar da yaleh ko katwa ye wow pynsmat yei yarap cha kiwa wan pyndem.
Heiyatoh wa i pynsñiaw ka HNLC wa smat ko wow wan cha ka miej yaklam khlem booh kyndon neiliang u Conrad da ong u wa ka sorkar dadep klam che ko wa ymbien ko wow yaklam wa kiwon kiwon ki seiñ kieñ suloi kat wym pu bwan pyndem ki.
Da ong u wa lada ka sorkar smat ko wow yaklam wa kiwon kiwon ki seiñ du lada sangeh ki ya ki kaam pyrchah aiñ wei wow wan yaklam khlem kiwon kiwon ki kyndon.
Discussion about this post