Chimkhia ki bor distrik yow yada ya ka wah Myntdu

Jowai : U DC ka West Jaintia Hills u Arunkumar Kembhavi hadien wa do yoh u boon ki ujor na ki paidbah hei yatoh wow yada ya ka wah Myntdu nei wa boon ki kaam wa pyntngit pynjakhlia ya ka da ong wa daw chimkhia bha u yeini waroh.

Kamtæ neilaing yong oo da pyrkhat u wa u booh noh da ki kyndon hei yatoh wa i sait thad ha pyrdi ka wah, ki wa sait kari ha ka wah wa kamjooh ya ki thaw sait kari wa em ha jan wa Wah Myntdu kamjooh leh yei pynlai ya ki dooid.

Da ong wa ini i kaam u yada ya ka wah Myntdu toh iwa da sah nadooh na u DC warim u ma P.S. Dkhar u wa da dep chna ya ki committee wa boon kiwa thooh ki laad wa kammon u yada ya kani ka wah.

Kamtæ ha kini ki sngi wa daw wan daw mih ka hukum na u DC hei yatoh wow yada ya ka wah Myntdu.