Shillong: Hadien wa chem dien wa leh khlem akor u Vishwajit Jha uwa sikai ha Jawahar Navodaya Vidalaya (JNV), Nongstoin ya ki khynnah kynthai kani ka skur. Ka Committee wa yahkhmat da u Extra Assistant Commissioner, ka District Social Welfare deilang waka District Social Welfare Officer wa ka Deputy Labour Commsissioner, West Khasi Hills, ka M. Kharkongor, Chairperson ka Meghalaya State Commission for Protection of Child Rights da boodien ki deiwa ujor ki pyrchah ya uni uwa sikai.
Kam wow pynkynmoo heini, uni uwa sikai da chah beh kaam u hadien wa chlur ki khynnah kynthai kani ka skur wow pyntip cha ki Executive Magistrate heipor wa wan sylli ki ya ka school yong ki.
Hadien wa da dep leh ki bor district yeiwa emkaam da kyntu ki leh ya ki tnat sorkar wa pait wow yada yei hok ki khynnah wow chimkti ki yeini wei yow pynngat ya uni uwa sikai hapoh ka aiñ The Protection of Children From Sexual Offenses Act (POCSO), 2012.
Kamtæ ka Meghalaya State Commission for Protection of Child Rights da leh ki ya ini i kaam.
Also Read: Chah beh kreh uwa sikai ka JNV hadien wa leh khlemakor u ya ki khynnah kynthai
Discussion about this post