Jowai: Ka yungkrehkaam ka MeECL wa em ha Jowai ynne ka sngi da pynman ki ya ka pynkhooid yong lang ya ki rood ki kiar, ki kamra, ki thaw sah yong ki tnat waphær waphær yong ka.
U CEO ka MeECL u SM Umdor hei klam yong oo ha ka yalang wa pynman ha chwa wow sdang u pynkhooid da ong wa da leh ya ini yow pynman ya ka thaw kreh kawa man leh kam ka yung wa ar kawa khooid wa kawa chait wa khiah yow man ko leh kam i sdang wow pynmyllien u man kiwa leh khooid wym hoi u noh roi ki tdong sikret, ki plastic, ki pathi ki kwai kat cha wa yoh.
Kiwi de kiwa klam toh u K.K. Raswai wa u J.D. Sumer kiwa man kam ki Executive Engineer heiwa ki leh da ban joor ki yeiwa emkaam u man kiwa leh khooid wei da ong ki leh wa kani toh ka sien wa nyngkong wa leh kam ini hapoh ka MeECL wei kam ka thaw kreh wa lai i man ka sngi kawa pynyoh tulop ya ki wow psa khon toh u burom ya ka deiwa pynman ya ka kawa khooid.
Ha kani ka sngi leh da puræ ya ka smai wow man kiwa lehkhooid da u H. Chyrmang wei da booh leh ya ka thaw soipyrtuid wow kular wa waroh u man ki kiwa lehkhooid.
Ki wakreh da chimbynta chongchit ki wow pynkhooid ya kani ka yungkrehkaam chynrang wa kynthai wei da niaam puchara niaam rong ki ya ka.
Ya ka poisa wa pyllut ha kani ka sngi toh da kynchew lang ki wakreh kani ka yungkrehkaam.
Discussion about this post