Ka EJNC-Khliehriat West Unit, hadien wa da yoh ko yei ujor na u Vesper Lamare, uwa em yaka thaw ri syiar ha wah ka Khliehriat CHC heiwa da em boon tylli ki syiar yong oo kiwa yap neidaw ka um wa tngit wa jakhlia kawa sma dawai, kawa wan tooid naki Pipe yong ka CHC.
Neiliang ka seiñ da dep ko wow yachem yaka khlieh ka PHC wei da dep leh wow ujor cha u DM&HO ka District uwa da phah yaki dkhot ka seiñ wow yaklam waka chnat Veterinary tangwa neidaw wa slem wow lai pait, ym ye de wow pynsakhiat yei daw wa yap ki syiar.
Nadooh won wa sngad ka um-jakhlia, ki syiar u Vesper Lamare ym em de yap ki wei ini da pynsuba ko ya yaka seiñ wa ki daw wa yap ki syiar toh neidaw ka um-jakhlia, kamtæ hajrong kani ka yurim kiwa yahkhmat ka EJNC-KWU ha ka 9 tarik da booh ki dei thoh ha u Deputy Commissioner ka East Jaiñtia Hills District yow pynsñiaw ya ini i jia, wei ynne ka sngi neiliang u DC, ki dkhot ka EJNC-KWU, DMHO, ka MS ka CHC wa u Contractor ka Health Engineering Wing yong ka Khliehriat CHC da lai pait ki ya katai ka thaw ri syiar.
Neiliang u DC da phah u ya kiwa pait yaka CHC wow pynlai noh ya i jakhlia cha iwi won i thaw katwa yaka bai lutsan u tre syiar, u DC da kular u wow khut noh daka yalang yong waroh ki arliang yow ya pynyasuk ya pynbait kammon wow leh.
