Jowai: Ka Elaka Maskut, West Jaiñtia Hills District hapoh i yahkhmat u Dolloi yong ka, u Phrangki Rynjah ynne ka sngi da pynman ko ya i pynkhooid ya ki phlang ki ranem wa da heh wa wit ha u sarok wow poi cha chnong Maskut kamjooh cha pynthor Sung nadooh wa yakhlaad uni u sarok na NH-44 hadooh wow poi kani ka chnong.
Hadien wa da dep pynkhooid da booh leh ya ar tylli ki Signboard kawi haka laad na u sarokbah wow lai cha chnong Maskut wa pynthor Sung katwa kawi won rap hakhmat i thaw wa em ar tylli ki laad khnang wa ki bru tip ki kawon ka sarok wow lai cha ka chnong.
I daw wa pynman yaki wow pynkhooid toh yow suk ka lai ka wan kiwa chong chnong kamjooh leh ki warep hapoh ka Sung Valley.
“Nga kam u Dolloi wa pait ya i bha i miat ka Elaka hanlada i bor wa khian leh da lum O ya ki paidbah wow yamih pynkhooid ya u sarok khnang wa ki paidbah kamjooh ki warep ka pynthor Sung u suk ki. ” da ong u Phrangki.
Discussion about this post