Jowai : I khynñia ki sarok ha Jowai khamtam ha Iawmusiang dang joor i kat dang lai ki sngi, ynne i janmiet heipor kamwa 5:30 da em kawi ka kari Mahindra Scorpio kawa da chim aw jan chiteiñ u sarok neidaw wa pynyieñ khlemakor uwa yah.
Heijooh i por u SP ka West Jaiñtia Hills u R. Muthu da jia ryngkat wa lai luti u na uni u sarok wa em hajan ka Seiñraij Shopping Complex, Iawmusiang.
Heini i por u SP, neidaw wa booh khlemakor ya kani ka kari, ym lait de ka kari sorkar wa da bhah ya oo wow lai luti u wei hadooh wa da duk u wow pynkieh wa ki siren wow wan kyrriah u tre kari ya ka kari u.
Hadien wa wan u tre kari, u SP da yaklam u wa oo tre kari heiwa da ong u, wa waroh ye ki u pynyieñ kari ha ki thaw wa da bynta ya ki, katwa kamtæ neiliang u SP da pyntip u ya ki bor ka Traffic Branch hei yatoh weini.
ki bor pulit da kit ki ya u tre kari wow pyndep yeiwa emkaam wei da daiñ kuna ya oo T. 500 katkam ki kyndon aiñ.
Discussion about this post