Chimkti ka CHILDLINE ya u khynnah wa duna i bor pyrkhat wei uwa thloon

by Wyrta Staff

Reading Time: 1 min read

Jowai: Ynne ka sngi ka CHILDLINE Jowai da pyntip ko wa da wan ekti ha ka ya uwi u khynnah uwa em i duna hei bor pyrkhat kamjooh leh uwa thloon.

Ya uni u khynnah da chem ynnin i miet da ki VDP ka chnong Mynksan wei da wan ekti ya oo ha ja Childline ynne ka sngi.

Da pyntip wa uni u khynnah toh uwa hapoh 18 snem i rta.

Lada em kiwa tipmit, namo ki wa hayung uni u khynnah wow sñiawbha phone ha u No. 7005789473 / 8827372908.