Kam chibynta yong ka Aatmanirbharatha, ynne ka sngi u Montri ki kaam yada ri, u Rajnath Singh da chimkti u ya ki Light Combat Helicopter (LCH) kawa da pynwandur wei da chna da ka Hindustan Aeronautics Limited (HAL) neibynta ka Indian Air Force (IAF) ha Jodhpur.
Ya kini ki lieñsuiñ niangkachiah yasiat (LCH) da khut pyrtuid kam ki “Prachanda”.
Ha kani ka sngi da emlang u Chief of Defence Staff (CDS) General Anil Chauhan, Chief of Air Staff Air Chief Marshal V.R. Chaudhary, Air Marshal Vikram Singh Air Officer Commanding-in-Chief, South Western Air Command, Chairman and Managing Director ka HAL u C.B. Ananthakrishnan, ki sahep ka Ministry of Defence wa kiwi kiwi.
Hawa e yei klam, u Rajnath Singh da yaroh u ya ki chipai IAF wa da ye ki wow kreh neibynta ka ri khamtam wow yada ya ka nadooh ki por wa laitlooid ko.
Da ong u wa ym em ware u poipyrkhat yei emkaam ya ki LCH tangwa heipor ka thma Kargil ha u 1999, da sñiaw yeiwa emkaam ya kam kani ka lieñsuiñ wei dei kreh chitom da kiwa boon hadooh wa da ye wow poi ha uni u moomær.
