U montri yada ri, u Rajnath Singh ynne da kaweh lama u ya ka tank 51st K9 VAJRA-T Gun na karkhana ka Larsen & Toubro (L&T) Armoured System Complex ha Hazira, Gujarat kam ka dak wow chimkti noh ki chipai Indian Army ya kini ki tank.
U Rajnath hawa klam ha kani ka sngi da kyntu u ya ki karkhana ki bru samen wow kreh ha i liang yong ka kaam yada ri neibhah ka sorkar yaleh ko wow pynku ya i chna ya ki tiar hapoh ka ri hi namo ka ‘Make in India ‘ khnang wa ka ri u ye ko wow challan ya ki tiar yaleh cha baar ri.
Da ong u wa ka sorkar pdiang ko ya ki buit wa thymme wei da kular u leh wa ka sorkar u kyrriah ko ya ki moochynthut deiwa yakrehlang chirup wa ki bru samen ha kani ka bynta.
U Rajnath da khana u leh ya ki thong krehkaam ka sorkar hapoh ka ‘Make in India’ wow kynjoh ya ka $26 Billion ha ka kaam khayi wa yatoh wa ka yada ri namo ka Defence Industry ha u snem 2025 ka wow e khih ya hadooh 2-3 Million ngut ki bru.
U Rajnath da ong u wa ka K9 VAJRA-T Gun man ko ka nongmuna wa miat tam yong ka ‘Make in India’ ha ka kaam wa yatoh wa i yada ri.
Kamwa 75% ka K9 Vajra toh wa da chna ha India wei da yoh kreh hadooh palat 5,000 ngut wei palat 12,500 ngut won na ka thaw wa chna ya ki ha Armoured System Complex ha Hazira, Gujarat.
Ka L&T da ekti ko ya ki 51 na ki 100 tylli ki K9 Vajra chwa i por wa da booh.
Kini ki Vajra khia ki 47 tonne, ya ka ye u pynkrehkaam da 5 ngut ki chipai, ye ko wow lai smat (speed) hadooh 67 km/h wei ye ki u siat ya ki bom hadooh i jngai wa 30-56 km.
Discussion about this post