Hadien wa dep u thoh cha kiwa lai puræ ka NEHU, cha kiwa sikai wa cha kiwa kreh wow ya krehlang neibynta i bha i miat kani ka skurbah, neiliang u Vice Chancellor, u Prof. P.S. Shukla ynnin da pynbna u wa ka Prof. Sherwin May Sungoh da thung ya ka kam ka Pro Vice-Chancellor (Pro VC) ka NEHU Shillong Campus.
Da pyntip u wa ini i thung toh deiwa bood yeiwa da chim rai da ka Executive Council (EC) ha ka 85th Emergent Executive Council kawa da chong yachem ha ka 14-11-25, wei da pyntip u leh wa ka Prof. Sungoh da chim ko yei kaam kam ka Pro VC nadooh ka 21 tarik uni u bnai.
Neibynta ka NEHU Tura Campus won da chimkti ka Prof. Fameline K. Marak ynne kam ka Pro Vice Chancellor wa thymme.
Ka Prof. Fameline man ko kam kawa da heh rta dooh na ki Professor wa em ha NEHU Tura Campus kawa da psiah hapoh ka Garo Department nadooh u snem 1996.
Kam wow pynkynmoo wa kini ki ar ngut ynnin u snem ha u bnai Khonchonglad (Nov) da kyntait ki wow chimkti ya ini i kaam heipor wa joor ka yakhih deiwa chah thngan kiwa lai puræ ka NEHU yow dawa beh noh ya u Vice Chancellor ka NEHU.
Discussion about this post