Ya ka Air India ynne da pyndep yei chimkti da ka Tata Group hadien wa dep thied ya ka naka sorkar India deiwa su chwa T. 2,700 klur hei pyrtuid ka M/s Talace Pvt Ltd, kawa man ka chnat ka M/s Tata Sons Pvt Ltd), wei daw su sa T. 15,300 klur wei da ini da yoh ki yei bhah (Share) ka Air India wa AIXL 100% wa 50% i Share ka AISATS.
Ka Air India kattu da mantre ya ka da ka M/s Talace Pvt Ltd hadien wa da ye ki wow jop yei ya thong poisa yow thied ya ka hei dor wa T. 18,000 klur hadien wa ka Spicejet da thong ko T. 15,100 klur iwa da pynman ha ka 11-10-21.
Ka Air India toh kawa da sdang da ka Tata Group hi ha u snem 1932 tangwa hadien wa yoh laitlooid ka ri, da chimkti noh (Nationalised) ya ka da ka sorkar ha u snem 1953 heipor wa man Prime Minister u Jawaharlal Nehru.
Neiliang u N. Chandrasekaran, Chairman ka Tata Sons Pvt. Ltd da ong u wa da sñiawkmen yow yoh biang ya ka Air India hapoh ka Tata Group wei daw pynman ya ka kam kawa pawnaam hapoh pyrthai.
