U President ka India ynne ka sngi da pynbna u yei thung ya ki Lat wow pait ya ka jylla Manipur waka jylla Mizoram heipor wa lai chuti ki Lat kini ki ar jylla
U Lat warim ka Meghalaya u Ganga Prasad, uwa man katni kam u Lat ka jylla Sikkim da thung ya oo leh wow man u kam u Lat ka jylla Manipur, najrong ki kaam wa da ksoh u katni heipor wa lai chuti ka Dr. Najma A. Heptulla, kawa man kam ka Lat ka Manipur.
Ya u Ganga Prasad da kyrriah ya oo kam u Lat ka Meghalaya ha u Naisaphra, 2018 deiwa thung ya oo kam u Lat ka Sikkim.
U Brig. (Dr.) B. D. Mishra (Retd.), u Lat ka jylla Arunachal Pradesh da thung ya oo leh kam u Lat ka Mizoram, najrong kiwi ki kaam wa da ksoh chwa u heipor wa lai chuti u Dr. Hari Babu Kambhampati, u Lat ka Mizoram.
