Ka Federation of Khasi Jaiñtia & Garo People (FKJGP) East Jaiñtia Hills District, ynnin da lai yachem ko wa u DC ka East Jaiñtia, u Abhilash Baranwal yow booh yei ujor heiyatoh wa i tkoh i rukom yoh yaki Schedule Tribe Certificate cha kiwa yaleh lyngba ka e-District kawa man ka Online Application.
Da chem chitom leh hawa lai Register yaki Club heiwa da man ko kawa thut bha hawa leh Online wei kawa da chimpor bha da boon boon sngi kamjooh wow yoh yaki Schedule Tribe Certificate.
Heiyatoh won hawa yaleh Scheme da ki seiñ kreh mon sñiawbha namo ki NGO hapoh ka yung krehkaam u DC, da man ko kawa thut neidaw wym em sahep namo u Registrar of Societies heiwa da chimpor wow pynlait ya ki Certificate of Registration hanla kiwa yaleh da dep ki wow pyndep ya waroh iwa emkaam nadooh ki Police Verification tangwa da sahteiñ neidaw wym em u sahep wa pait yeini i kaam.
Sa iwi wa chem chitom toh yow pynthymme kamjooh wow Transfer yaki kot ki sla ki suloi namo ka Arms License iwa da chimpor da boon boon snem wow leh yeini iwa da booh hei eh ya kiwa yaleh License.
Neiliang u Deputy Commissioner hawa pynche yeini da ong u wa kamwa man kattæ da pynsangeh chwa wow e Arms License neidaw wa dang em ka Election, kamtæ ka seiñ da ong ko wa daw booddien ko yeini.
Heiyatoh wa kiwi ki kot ki sla wa da yaleh ki bru, u DC kular u kam u khlieh ka District wow chimkhia yeni neibhah wa man ko iwa emkaam wei wow pynbait yeini wut-wut.
Discussion about this post