Hadien i jia wa sñiawsih ha chnong Pynthor Langteiñ heiwa ki chi yung chi sem wa kyntup ya ka manbei ka Pynjanai Ryngkhlem, u manpa u Biangki Phawa deilang wa ki khon ki arngut, u Edify (6 snem) waka Viladaroi Ryngkhlem (3 snem) da dooh noh ki yei mynsien ki nei oor khyndaw ha ka 8 tarik iwa da ban yei yung wa sah ki, ynne da lai tlep emburom noh ya kini ki 4 ngut.
Yei met kini kiwa da khlaad da pynthiah ha yung ka payu ka Pynjanai iwa em ha Pynthor Langteiñ hi wei neiliang da chnong da kitkhlieh ko wow pyndap pynbiang ya waroh iwa emkaam yow ye u pyndep ya ka niam ka rukom.
Da wan wow sñiawlem da kiwi boon ynne nadooh na yung chadooh cha loom tlep-bru ka Balang Presbyterian Pynthor Langteiñ.
Ya ka bei, u pa deilang wa ki khon da tlep lang ki deilang deiwa pynthiah lang ya ki synduk ha i jooh i thaw.
Discussion about this post