Meghalaya ka jylla wa maya,
To yakhun pyrchah ya kani ka thma;
Sdang chwa na phi kiwa em ha i bor,
Narood i ki paidbah u kyrchaan khlem pynbor.
To syndong bha yei lai i wan ki bru,
Boi da em kiwa chah ktah yow tip ynnu;
Ha manla ki laad ha manla ki dong,
To ya pait bniah to husiar to syndong.
Ka kjut Coronavirus toh kawa maa bha,
Chityllup ka pyrthai kylleiñ da bna;
Uwi pa kawi to ham ya kheiñ stiñ,
Ka khlam wa baam naphang kam i diñ.
Da ki hajar ki mynsien bru da dooh,
Neidaw wym em dawai næ wym pu em wa thooh;
Da khih-win lut waroh kawi ka pyrthai,
Ka kjut wa chyrkhei na ri China da khai.
Bood thij kam ki kyndon wa phah ka Sorkar,
Yow lait nei chah ktah yow lait nei jinjar;
Duwai Blai man ka sngi manla ki por,
Yow lait i na ka, ‘Prevention is better than Cure.’
Discussion about this post