Ka Meghalaya Police chirup wa ka CyberPeace Foundation (CPF) kawa man ka seiñ kreh monsñiawbha ynne ka sngi da sdang ko ya ka thong krehkaam namo ka Campaign wa tip kam ka CyberPeace Awareness Month.
Kani ka thong toh wow pynsñiawthooh ya i man chngaaiñ ha ki kaam Online khamtam ha ki Social Media. Neiliang ka Meghalaya Police da pynman ko leh ya ki Webinar, Cyber Talk, Volunteer Workshop, Survey, BrainOlympics, Jingle Competition wa kiwi kiwi.
Ka Survey daw jied ko ya i maa wa ki pulit chem ki ha ki Internet wei wow sñiawthooh kammon wow pynemkaam ya ka.
U Purnendu Singh, Director-Operations and Strategy, CyberPeace Foundations, da ong u wa ka CyberPeace Foundation da pynman ko ya kam kani ka Campaign wa ka Telangana Police, Andhra Pradesh Police, Assam Police, Punjab Police, Mizoram Police, South Delhi Police wei ha kani ka kynti wa ka Meghalaya Police.
Ka I. Nongrang, IPS, Addl. Director General of Police (L&O/TAP), Meghalaya, da ong ko wa emkaam wow kynmoo wa ka ki kaam wa sdang ha ka Cybersecurity chong ko ha i wei dap ko dei kmen wa ka Meghalaya Police embynta ko wow wanrah i che i pynsñiawthooh hajrong ini i kaam.
Da kyrmen ko leh wa ka Campaign daw yarap ko wow pynche ya ka mynried wa ka juk katni ya i emkaam wow man kiwa syndong ha ki kaam wa yatoh wa ka Internet.
Ha kani ka sngi da pynman ya ki Webinar hajrong ka phang Cybercrime Against Women and Children and Redressal heiwa da chimbynta da kiwa sikai skur wa ki khynnah skur kamjooh, heiwa da yoh i klam na u Giri Prasad, IPS, SDPO, Sohra wa Dr. Abhilasha Vyas, Consultant, CyberPeace Foundation.
