Ynnin i miet heipor kamwa 10:30, ki pulit ka East Jaiñtia Hills da yoh yutip ki wa kawi kawa khayi drugs wa pyrtuid ka Maya Gwala kawa khut sin kam ka Pushki, da phah ko ya ar ngut ki chynrang wa tip kam u Pasar Uddin na Emersoan Ghat, Polo, Shillong wa u Dipak Baidya, uwa na Polo wa sah hajan Tenjing Restaurant Shillong wow kit ya i drugs na Silchar cha Shillong da ka Bus wa em Number AS-01FC-8199.
Heipor 1:30 i step synyaaw ynne da pynsangeh ya kani ka Bus ha Umtyra wei hadein wa kynreh da yoh ki ya i yusong rong yong wa em 9 tylli ki khieh sabon wa em Heroin kiwa khia 100.56 gram.
Chooh chooh ki pulit ka East Jaiñtia Hills da lai ki cha Shillong wow kem ya ka Pushki na Polo, Shillong dei yarap ki pulit ka Pasteur Beat House wa ANTF East Khasi Hills wei da wanrah ya ka cha Khliehriat.
Heiyatoh wa ini da booh yei takit ha ka Khliehriat PS hapoh ka Case No. 37(5)2023 U/s 21(b)/29 NDPS Act wei i takit dang lai i chaphrang.
