Chiteiñ synyaw kem ka FKJGP Jaiñtia Hills ya ka truck wa kit dieñ tooh

by Wyrta Staff

June 21, 2016

Reading Time: 2 mins read

Jowai : Ka FKJGP Jaiñtia Hills ynne ka sngi dang step synyaw heipor kamwa 1 waje i step da ksoh ko ya kawi ka truck kawa kit dieñ tooh ka wa lai luti na ka Yingkieñ Myntdu.

Hei yatoh weini ka seiñ da ujor ko cha ki pulit ka West Jaintia Hills.

Kani ka truck em ko u number AS01-DD-7867, katkam ka ujor ka seiñ da kynnoh ko wa ya kini ki dieñ da deiñ khlem yohbor na kiwa toh u pait yeini kam ka District Council.

Heijooh i por ka seiñ kyntu ko ya ka sorkar khamtam ya ka Forest Department yow chimkhia ki yeini waroh neibynta i bha i miat ka rymaw.