Shillong: Ynnin i miet chiteiñ synyaw, kattu katni kynta chwa i jied ya kiwa mihkhmat cha ki ar tylli ki District Council, ki dkhot yong ka Khun Hynniewtrep National Awakening Movement (KHNAM) da yoh ki wow kem ya ki ar ngut kiwa kyrchaan ka Narional People’s Party (NPP) na ka chnong Wahingdoh, Shillong kawa haap hapoh ka Mawkhar-Pynthorumkhrah Constituency katwa ki dang mut ki wow saam poisa deiwa psiah cha yung ki bru wa em ha kani ka chnong.
Katkam wa pyntip ki dkhot yong ka KHNAM, ynnin i miet da em 4 ngut ki bru kiwa psiah cha yung bru wei napyrdi kini ki 4 ngut da yoh u yut ar ngut wei da yoh u ksoh ya ar ngut da ki dkhot ka KHNAM, heiwa da pynman ya ka takit wei hadien wa da e kti ya ki cha ki pulit.
Kine ki briu kiwa da chah kem da tip pyrtuid kam u Arthur Miller Sun wa u Reagan Hynniewta, wei da yoh na ki ya ka thup pyrtuid wa da dep soi da ki kattu katni kiwa da chim ya ka poisa.
Discussion about this post