Ka nongbah Shillong da sakhi biang ko yei chlai um ha awjan waroh ki sarok hadien wa u slap uwa neh kamwa 2 kynta da hiar u ynne ka sngi wei ini i chlai um ymtoh de iwa dang thymme tangwa manda hiar u slap du kattu katni por leh da sakhi yei chlai um ha ki luti ki syngkieñ wa lai ki paidbah.
I chlai um da pynman ya ka Shillong kam ka wahbah kawa kai hapyrdi ka sor kam ha thaaiñ Lower Lachumiere kawa man leh ka thaw wa em boon ki yung krehkaam ka sorkar heiwa ka um da wan tooid ko na ki nala wa da kset dei jhep hadooh wa poi ka um cha pchem ki yung krehkaam ka sorkar wa kynthup ya ka Sylvan House yong ka chnat Forest wa kiwi kiwi.
Ha kiwi ki liang neibynta ka thaaiñ Iewmawlong chadooh thaw pynyieñ kari Mawngap, ka um rong yong wei ktieh da psiah ko cha ki dukan kiwa em ha katai ka thaaiñ, wei da yoo leh ya kiwa chong dukan kiwa hap sai borti yow tong ya ka um.
Ini i chlai um ha katai ka thaaiñ kawa heh yaaw ye u man deiwa leh hi ki bru neibhah ka um ym em thaw lai de ko neidaw wa joor noh jhep khlem da pyrkhat.
Da yoh khubor leh kiwa boon ki thaw kiwa lai lyngba ka Wahumkhrah waka Wah Umshyrpi da chai um wei ka um ha kitai ki wah leh da ku chadooh yung bru.
Discussion about this post