Ka wah Dhauliganga da heh syndet ko ynne i step hadien wa i bynta u loom thah wa tip kam ka Nandadevi Glacier da kheiñ wei da haap i ha kani ka wah hajan ka thaw pynmih bordiñ wa em hajan i chnong Raini ka thaaiñ Tapovan ka Chamboli District, Uttarakhand.
Neiliang ki bor District ka Chamboli da phah ki wow mih chnong ya waroh kiwa sah harood ka wah Dhauliganga. Da phah yaki bru ka SDRF cha kini ki thaw heipor 11 waje i step yow lai pynlait yaki bru heiwa kani ka chlai ka wah da kit ko ya chiboon i ktieh i khyndaw. Da phah leh yaki bru wa ITBP yow lai yarap ki yaki bru wa emkaam.
U CM ka jylla u Trivendra Singh Rawat da ong u wa da ye u man wa da chah ktah kani ka Dam wa em ha kani ka wah wei daw ye u em leh i chlai um kamtæ waroh ki bru wa em harood ka wah da phah kyrriah ki.
Katkam ka khubor ka ANI da em kamwa 100-150 ngut kiwa da antaad wa da dooh yei mynsien na ini i jia.
Ye phi wow pait heini ha wah ya ki Video ini i chlai um.
