Chlong ki paidbah wow pait ya ka ‘Thong Iong Nga’ ha Panaliar

Jowai: Ynne ka sngi da pynyoo ya ka Film wa e pyrtuid ‘Thong Iong Nga’ ha Yungwalieh ka Dorbar Chnong Panaliar heiwa da wan ki paidbah na kylleiñ wow sakhi ya ka.

Du ynne ka sngi da pynyoo ya ka ar sien, heipor 5 wa 8 waje i miet heiwa ki ticket da man ki kiwa da dai lut (Sold Out) wei da wan sakhi ya ka da kamwa 1100 ngut.

Ya kani ka phlim daw pynyoo ya ka mynstep ha District Library Auditorium, Jowai heipor 3:00 waje i sngi wa 7:00 waje i miet, ha ka 12 tarik nawon daw pynyoo biang ya ka ha Panaliar heipor 5:00 waje i janmiet wa 7:00 waje i miet wa ha ka 13 tarik nawon ha Ladthadlaboh heipor 3:00 waje i janmiet wa 7:00 waje i miet.

Kiwa da yoo ya kani ka phlim da e yaroh ki ya ka heiwa da ong ki wa man ko kawa yoosuk bha wei kawa da pynchoh biej ko ya ki ym du na ki sur tangwa wot hadooh ka parom yong ka.

Related posts

Da ka Thar, ka Royal Enfield Classic wa ka Yamaha YZR u pynkhle ka chnong Rymbai

September 5, 2025

Daw pynyoo biang ya ka phlim Jaintia – Ka Nongmuna

September 4, 2025