Katkam ka khubor ka NDTV, ka China da chna ko yei chnong wa thymme ha Arunachal Pradesh, iwa em duna 100 tylli ki yung iwa da chem lyngba ki dur wa chon na haw-haw da ki Satellite iwa da pynsakhiat ya ini.
Ha ini i jooh i thaw iwa em 4.5 Km hapoh ka India, ha u 2019 da chem wa ym em yung katwa ha u 2020 won da em ki yung hanla ini i thaw da haap i hapoh India, ka China da kam ko ya ini i thaw nadooh u snem 1959 deiwa booh donhi du ya iwi i thaw yang ki chipai wei ym em da i chnong iwa katni iwa ye da ki hajar ngut wow sah.
Ini i chnong toh iwa em harood ka wah Tsari Chu, iwa em ha Upper Subansiri District, i thaw wa da slem wa yaknieh ka India wa China.
Ha u Naichiphaw ynnin u snem, ka China da ong ko wa ka India da chna ko yaki sarok, i booh ya ki chipai ha khappood iwa da wanrah yei kynaad hapyrdi ki ar ri. Katwa neiliang ka India da ong ko wa ym em chna ko iyi iyi leh hajan ki khappood.
