Ka National Peoples’ Party (NPP) waka Indian National Congress (INC) hadien wa haap ka EC u Titostarwell Chyne, da seiñ ki da ka Khasi Hills Democratic Front (KHDF) wow chna ya ka Executive Committee wa thymme hapoh ka Khasi Hills Autonomous District Council (KHADC).
Da tyrwa ki leh da u MDC ka NPP na Sohryngkham, u Pyniaid Sing Syiem kam u kyrtong Chief Executive Member (CEM) ha ka Election wa daw pynman mynstep ka sngi wei hadooh wa pynmih ya ka khubor ym em de da kiwi kiwa wan chakhmat wow thap pyrtuid.
Hapoh ka KHDF u em ka NPP kawa em 12 ngut ki MDC wa 6 ngut ki MDC ka Congress ha ka dorbar wa em 30 ngut ki MDC.
Hawa e yei daw wa lai kyrchaan ka Congress ya ka NPP, neiliang u MDC ka Congress na Mylliem, u Ronnie V Lyngdoh da ong u wa lada ym kyrchaan daw poi da ka Governor’s Rule hapoh ka KHADC wei lada ym leh kamni daw ktah ko chiboon ya ka Council kawa man kam kawa yada yei dustur riti ka jaitbru.
