Ki dkhot ki seiñbhalang wa kynthup yaka JSM, JSU, HNYF, MPUF, KSU wa FKJGP ynne ka sngi da pynman ki ya ka yalang ha Nartiang wow chna da ka Nartiang Modop Coordination Committee wei da man ko leh ka sien ba nyngkong wa kini ki seiñbhalang katai ka thaaiñ da iwi i sur da iwi i yumut da ya krehlang ki wow pyndep yaki kaam hapoh ka chnong wa ka thaaiñ hi waroh kawi.
Ya kani ka yalang da pynlai yaka da u Hauni Sutong uwa man kam u Assistant General Secretary wa thymme katai ka Coordination Committee wei da yoh yei e yumut na u Damon Dkhar (Adviser), u PS Phawa (Adviser) wa kiwi kiwi.
I thmu wow chna ya kani ka Coordination Committee toh yow yaleh ya kiwa boon ki kaam wa ktah yaka jaitbru ka thaaiñ khamtam ki skur, College, ki Bank, ki sarok, ki thaw sumaar, ka Trading License, i rep i riang wa kiwi ki kaam ha kani ka thaaiñ.
Kiwa kitkaam ka Coordination Committee man ki kamni ha wah:
Chairman- Wednesday Dkhar
Vice Chairman- Kedimos Dhar
General Secretary- Sylvester Myria
Assistant General Secretary- Hauni Sutong
Organising Secretary- Arwotki Sumer
Finance Secretary- Head Phalangki
Publicity Secretary- Rilang Suting
Da jied ya u Damon Dkhar kam u Adviser deilang wa u PS Phawa.
