Chna pynmiat ka Seiñ khynroo ka Balang Presbyterian Demthring ya u sarok ka chnong

Jowai: Ynne ka sngi ka Seiñ Khynroo yong ka Balang Presbyterian Demthring chirup wa ka chnong waroh kawi da ya mih yonglang ki wow chna pynmiat pynbha ya u sarok uwa em hapoh ka chnong waroh kawi.

Ini i mih yonglang wow chna ya u sarok ka chnong toh neidaw wa da sih ware u heiwa wot u lai chaad uiñ Christmas Carol leh da thut, katwa kamtæ ka Seiñ Khynroo ka Balang da lai paan yarap ko na ka chnat PWD tangwa neiliang ka chnat ymye ko u e iwon iwon i yarap.

Neiliang ka Seiñ khynroo kam chibynta wow pynphooh ya ka lehkmen Christmas chirup i kreh lang yong u waheh chnong wa u Secretary ka chnong da mih yonglang noh ki wow chna pynmiat ya ki bynta wa da sih.